Húrmetli Prezidentimiz Shavkat Miromonovich Mirziyoevtiń baslaması menen elimizde denetárbiya hám sporttı ǵalaba en jaydırıw jáne voleybol sportın rawajlandırıw boyınsha keń kólemli reformalar ámelge asırılmaqta. Atap aytqanda, ótken jılı mámleketimiz basshısı tárepinen denetárbiya hám sporttı rawajlandırıwǵa baylanıslı 2 párman hám 3 qararǵa qol qoyıldı. Usınıń menen, húrmetli Prezidentimizdiń 2024-jıl 19-iyul kúngi "Voleybol sport túrlerin jáne de rawajlandırıw is-ilajları haqqında"ǵı PQ-274-sanlı qararı qabıl etildi. Usı qararǵa muwapıq, Ózbekstan Respublikası Ishki isler ministrliginiń baslaması menen, Qaraqalpaqstan Respublikası aymaǵında voleybol sport túrin rawajlandırıw boyınsha bir qatar jumıslar ámelge asırıldı. Ózbekstan Respublikası ishki isler ministri general-leytenant Tashpulatov Aziz Anvarovichtiń 2025-jıl 10-sentyabr kúngi 527-sanlı buyrıǵına tiykarlanıp, Ishki isler uyımlarında xızmet etip atırǵan xızmetkerler arasında sporttıń "Voleybol" túri boyınsha "Ózbekstan Respublikası ishki isler ministri kubogi" jarısınıń 1-basqıshı Qaraqalpaqstan Respublikasında ótkeriliwi belgilengen. Jarıstıń ashılıw saltanatın Qaraqalpaqstan Respublikası Ishki isler ministriniń orınbasarı Gulamjan Eshimbetov ashıp berdi hám jarıs qatnasıwshılarına áwmetler tiledi. Jarısta Ándijan, Qashqadárya, Xorezm, Samarqand hám Qaraqalpaqstan Respublikası Ishki isler uyımlarınıń saylandı komandaları óz-ara bellesedi.