Nókis Temurbekler mektebi áskeriy akademiyalıq liceyinde kitap yarmarkası shólkemlestirildi
Kitap - ruwxımızdıń azıǵı, onıń menen doslasıw insandı tek ǵana joqarılatpaydı, al oǵan dúnyanı tanıtadı, joldaslıq etedi, jaqsılıqqa jeteleydi. Oqıwshı jaslardıń kitap oqıw hám kitapqumarlıq mádeniyatın arttırıw maqsetinde usı jıldıń 8-sentyabr kúni Nókis "Temurbekler mektebi" áskeriy-akademiyalıq liceyinde kitap yarmarkası shólkemlestirildi. Kitaplar yarmarkasında ózbek hám jáhán ádebiyatınıń biybaha shıǵarmaları, balalar ádebiyatı hám hár qıylı janrlarda basıp shıǵarılǵan kitaplardı alıw imkaniyatı jaratıp berildi. Bul yarmarkada licey oqıwshıları da belsene qatnastı. Kitap yarmarkasın shólkemlestiriwden tiykarǵı maqset de oqıwshı-jaslardıń ruwxıy-aǵartıwshılıq, siyasiy-huqıqıy bilimlerin arttırıw, olardı bay mádeniy miyrasımızǵa húrmet ruwxında tárbiyalaw hám kitapqumarlıq mádeniyatın arttırıwdan ibarat.
