Beruniy tumanida Jasorat maktabi o‘quvchilarining “Qasamyod qilish” tadbiri bo‘lib o‘tdi
Hurmatli Prezidentimizning ta'lim tizimidagi islohotlari sabab 208 ta
tuman va shaharlarda “Jasorat maktablari” tashkil etilib, ushbu sinflarda
tahsil olayotgan o'quvchilarning qasamyodi kuni har birimizning qalbimizda
o'zgacha g'urur va shijoat uyg'otdi. Bu kun albatta bilimga chanqoq yoshlarning
yuragida ona Vatanga sadoqat, vatanparvarlik, milliy va umuminsoniy
qadiryatlarga hurmat, tinchlik va totuvlikni ko'z qorachig'idek asrab-avaylash
zarurligini yanada mustahkamlashi bilan ahamiyatli bo'ldi.
Ushbu maktablar yoshlarni chaqiruvga qadar boshlang'ich tayyorgarlik bo'yicha chuqur bilim va amaliy ko'nikmalar bilan ta'minlashga yo'naltirilgan. Maxsus dastur va fanlar chuqurlashtirilgan holda o'qitilishi yo'lga qo'yilgan. Beruniy tumanida tantanali ravishda bo'lib o'tgan Jasorat maktabi o'quvchilarining “Qasamyod qilish” tadbirida tuman hokimi Ikram Xidirov ishtirok etib, o'quvchilarni tabrikladi. Ularning kelajakda har tamonlama yetuk, komil inson bo'lib, vatanimizga sadoqat bilan xizmat qiladigan farzandlar bo'lishiga ishonch bildirdi.
