Beruniy rayonında Jasorat mektebi oqıwshılarınıń "Ant beriw" ilajı bolıp ótti
Húrmetli
Prezidentimizdiń bilimlendiriw sistemasındaǵı reformaları sebepli 208 rayon hám
qalalarda "Mártlik mektepleri" shólkemlestirilip, bul klasslarda
bilim alıp atırǵan oqıwshılardıń ant qabıllaw kúni hár birimizdiń qálbimizde
ózgeshe maqtanısh hám kúsh-ǵayrat oyatqan. Bul kún, álbette, bilimge qushtar
jaslardıń júreginde ana Watanǵa sadıqlıq, watansúyiwshilik, milliy hám ulıwma
insanıylıq qádiriyatlarǵa húrmet, tınıshlıq hám tatıwlıqtı kózdiń qarashıǵınday
qásterlep saqlaw zárúrligin jáne de bekkemlewi menen áhmietli boldı.
Bul mektepler jaslardı shaqırıwǵa shekemgi baslanǵısh tayarlıq boyınsha tereń bilim hám ámeliy kónlikpeler menen támiyinlewge qaratılǵan. Arnawlı baǵdarlama hám pánler tereńlestirilgen halda oqıtılıwı jolǵa qoyılǵan. Beruniy rayonında saltanatlı túrde bolıp ótken "Batırlıq mektebi" oqıwshılarınıń "Ant beriw" ilajında rayon hákimi Ikram Xidirov qatnasıp, oqıwshılardı qutlıqladı. Olardıń keleshekte hár tárepleme jetik, kámil insan bolıp, Watanımızǵa sadıqlıq penen xızmet etetuǵın perzentler bolatuǵınına isenim bildirdi.
