Joriy yilning 3-yanvarida Prezidentimiz tomonidan qabul qilingan "2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida"gi qaror jamiyatimizda xavfsizlikni ta'minlashga qaratilgan yangi qadamlarni ko‘rsatdi. Ushbu qaror huquqbuzarliklarning oldini olish va jamiyatda xavfsiz muhitni yaratishda alohida ahamiyat kasb etadi.  Qaror ijrosini samarali amalga oshirish uchun jamiyatning har bir a'zosining huquqiy savodxonligi, xususan, yoshlarning huquqiy madaniyati hamda jinoyatchilikka qarshi kurashish borasida bilimi oshirilishi zarur. Samarqand davlat veterinariya meditsinasi, chorvachilik va biotexnologiyalar universiteti Nukus filialida tahsil olayotgan talaba-yoshlarning huquqiy savodxonligini oshirish va ularni huquqbuzarliklarning oldini olishga jalb qilish maqsadida muntazam ravishda turli tadbirlar tashkil etilmoqda. Ushbu tadbirlarda huquqni muhofaza qilish organlari xodimlari, filial profilaktika inspektori, kapitan Q.Qayipnazarov hamda talaba-yoshlardan tashkil topgan “Qalqon” jamoatchilik guruhi a'zolari  faol ishtirok etib, talaba-yoshlar o‘rtasida jinoyatchilikning oldini olish, huquqbuzarliklar va ular bilan bog‘liq masalalar haqida ma'lumotlar berib kelmoqdalar.Bugun, 27-fevral kuni, o‘tkazilgan profilaktika tadbirida, jamoat xavfsizligini ta'minlash bo‘yicha yo‘l harakati xavfsizligi va huquqbuzarliklarning oldini olish borasida olib borilayotgan ishlar haqida batafsil tushuntirish berildi. Tadbirda, Qoraqalpog‘iston Respublikasi Ichki Ishlar Vazirligi Jamoat xavfsizligi xizmati Yo‘l harakati xavfsizligi boshqarmasi xodimi, safdor T. Qurbanbayev ham ishtirok etdi. U o‘z chiqishida, yo‘l harakati xavfsizligini ta'minlashga qaratilgan tizimli ishlar va yoshlarning xavfsizligi haqida gapirdi. Shu bilan birga, u 2025 yil 1 martdan boshlab, "A" toifali haydovchilik guvohnomasisiz moped va skuterlar boshqarish jinoiy javobgarlikka tortilishiga olib kelishini tushuntirdi. Bu jarayonni qabul qilish va bajarishning muhimligini talabalarga aniq va tushunarli shaklda ta'kidladi. Jinoyatchilikni oldini olishda birinchi navbatda, yoshlarning huquqiy savodxonligini oshirishning ahamiyati katta. Huquqiy savodxonlik orqali, talabalar turli jinoyat turlari va ularga nisbatan qanday choralar ko‘rilishi kerakligini tushunadilar. Shuningdek, o‘z huquqlarini himoya qilishda qanday huquqiy mexanizmlar mavjudligi haqida bilib olishadi. Bu esa, o‘z navbatida, huquqbuzarliklarning kamayishiga olib keladi. Yoshlarni faollashtirish, ularni huquqbuzarliklarga qarshi kurashish jarayonlariga jalb qilish hamda jamoat xavfsizligini ta'minlashda ular bilan hamkorlik qilish zarur. Filialimizda o‘tkazilgan tadbirlar davomida yoshlar o‘z huquqlari va majburiyatlarini tushunib, jamiyatda yuzaga kelgan muammolarga yechim izlashda faollik ko‘rsatmoqda. Masalan, huquqni muhofaza qilish organlari vakillari, yoshlarni yo‘llarda, maktablarda va boshqa ijtimoiy joylarda yuz berishi mumkin bo‘lgan jinoyatlar haqida ogohlantiradilar, shuningdek, huquqbuzarlikning oqibatlari va uning ijtimoiy zararlari haqida batafsil ma'lumot beradilar. Jinoyatlarning oldini olishda muhim rol o‘ynaydigan masalalardan biri, yo‘l harakati xavfsizligini ta'minlashdir. Yuqorida aytib o‘tilganidek, moped va skuterlarni boshqarishda huquqbuzarliklar soni ortib bormoqda. 2025 yil 1 martdan boshlab, haydovchilik guvohnomasiz moped yoki skuter boshqarish jinoiy javobgarlikka olib keladi. Bu esa, yoshlarni o‘z hayotlari va boshqalarning xavfsizligini ta'minlashga chorlaydi. Bugungi kunda jinoyatchilik jamiyatda keng tarqalgan muammolardan biri bo‘lib, har bir huquqbuzarlik o‘ziga xos oqibatlarga olib keladi. Masalan, giyohvand moddalar savdosi yoki o‘g‘irlik kabi jinoyatlar nafaqat ularni amalga oshirgan shaxslarni, balki butun jamiyatni jiddiy ravishda zarar yetkazadi. Bu kabi jinoyatlar nafaqat shaxsiy huquqlarni poymol qiladi, balki jamiyatning xavfsizligini ham tahdid qiladi. Xavfsiz jamiyatni yaratish va huquqbuzarliklarning oldini olishda yuridik bilimlarni oshirishning ahamiyati beqiyos. Shu boisdan, yoshlarni huquqiy madaniyatga o‘rgatish, ularni huquqbuzarliklarni oldini olishda faollashtirish muhim ahamiyat kasb etadi. Xulosa qilib aytganda, Prezidentimizning qarori asosida amalga oshirilayotgan chora-tadbirlar yoshlarning huquqiy savodxonligini oshirish va huquqbuzarliklarning oldini olishda samarali yechim bo‘lib, jamiyatimizning xavfsizligini ta'minlashda muhim o‘rin tutadi. Bizning yoshlarimiz, ularning bilim va madaniyatini rivojlantirish orqali, jamiyatda xavfsiz va sog‘lom muhitni yaratishda o‘z hissalarini qo‘shishlari mumkin.