Жорий йилнинг 3 январида Президентимиз томонидан қабул қилинган "2025 йилда республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш бўйича чора-тадбирлар тўғрисида"ги қарор жамиятимизда хавфсизликни таъминлашга қаратилган янги қадамларни кўрсатди. Ушбу қарор ҳуқуқбузарликларнинг олдини олиш ва жамиятда хавфсиз муҳитни яратишда алоҳида аҳамият касб этади. Қарор ижросини самарали амалга ошириш учун жамиятнинг ҳар бир аъзосининг ҳуқуқий саводхонлиги, хусусан, ёшларнинг ҳуқуқий маданияти ҳамда жиноятчиликка қарши курашиш борасида билими оширилиши зарур. Самарқанд давлат ветеринария медицинаси, чорвачилик ва биотехнологиялар университети Нукус филиалида таҳсил олаётган талаба-ёшларнинг ҳуқуқий саводхонлигини ошириш ва уларни ҳуқуқбузарликларнинг олдини олишга жалб қилиш мақсадида мунтазам равишда турли тадбирлар ташкил этилмоқда. Ушбу тадбирларда ҳуқуқни муҳофаза қилиш органлари ходимлари, филиал профилактика инспектори, капитан Қ.Қайипназаров ҳамда талаба-ёшлардан ташкил топган “Қалқон” жамоатчилик гуруҳи аъзолари фаол иштирок этиб, талаба-ёшлар ўртасида жиноятчиликнинг олдини олиш, ҳуқуқбузарликлар ва улар билан боғлиқ масалалар ҳақида маълумотлар бериб келмоқдалар.Бугун, 27 февраль куни, ўтказилган профилактика тадбирида, жамоат хавфсизлигини таъминлаш бўйича йўл ҳаракати хавфсизлиги ва ҳуқуқбузарликларнинг олдини олиш борасида олиб борилаётган ишлар ҳақида батафсил тушунтириш берилди. Тадбирда, Қорақалпоғистон Республикаси Ички Ишлар Вазирлиги Жамоат хавфсизлиги хизмати Йўл ҳаракати хавфсизлиги бошқармаси ходими, сафдор Т. Қурбанбаев ҳам иштирок этди. У ўз чиқишида, йўл ҳаракати хавфсизлигини таъминлашга қаратилган тизимли ишлар ва ёшларнинг хавфсизлиги ҳақида гапирди. Шу билан бирга, у 2025 йил 1 мартдан бошлаб, "А" тоифали ҳайдовчилик гувоҳномасисиз мопед ва скутерлар бошқариш жиноий жавобгарликка тортилишига олиб келишини тушунтирди. Бу жараённи қабул қилиш ва бажаришнинг муҳимлигини талабаларга аниқ ва тушунарли шаклда таъкидлади. Жиноятчиликни олдини олишда биринчи навбатда, ёшларнинг ҳуқуқий саводхонлигини оширишнинг аҳамияти катта. Ҳуқуқий саводхонлик орқали, талабалар турли жиноят турлари ва уларга нисбатан қандай чоралар кўрилиши кераклигини тушунадилар. Шунингдек, ўз ҳуқуқларини ҳимоя қилишда қандай ҳуқуқий механизмлар мавжудлиги ҳақида билиб олишади. Бу эса, ўз навбатида, ҳуқуқбузарликларнинг камайишига олиб келади. Ёшларни фаоллаштириш, уларни ҳуқуқбузарликларга қарши курашиш жараёнларига жалб қилиш ҳамда жамоат хавфсизлигини таъминлашда улар билан ҳамкорлик қилиш зарур. Филиалимизда ўтказилган тадбирлар давомида ёшлар ўз ҳуқуқлари ва мажбуриятларини тушуниб, жамиятда юзага келган муаммоларга ечим излашда фаоллик кўрсатмоқда. Масалан, ҳуқуқни муҳофаза қилиш органлари вакиллари, ёшларни йўлларда, мактабларда ва бошқа ижтимоий жойларда юз бериши мумкин бўлган жиноятлар ҳақида огоҳлантирадилар, шунингдек, ҳуқуқбузарликнинг оқибатлари ва унинг ижтимоий зарарлари ҳақида батафсил маълумот берадилар. Жиноятларнинг олдини олишда муҳим роль ўйнайдиган масалалардан бири, йўл ҳаракати хавфсизлигини таъминлашдир. Юқорида айтиб ўтилганидек, мопед ва скутерларни бошқаришда ҳуқуқбузарликлар сони ортиб бормоқда. 2025 йил 1 мартдан бошлаб, ҳайдовчилик гувоҳномасиз мопед ёки скутер бошқариш жиноий жавобгарликка олиб келади. Бу эса, ёшларни ўз ҳаётлари ва бошқаларнинг хавфсизлигини таъминлашга чорлайди. Бугунги кунда жиноятчилик жамиятда кенг тарқалган муаммолардан бири бўлиб, ҳар бир ҳуқуқбузарлик ўзига хос оқибатларга олиб келади. Масалан, гиёҳванд моддалар савдоси ёки ўғирлик каби жиноятлар нафақат уларни амалга оширган шахсларни, балки бутун жамиятни жиддий равишда зарар етказади. Бу каби жиноятлар нафақат шахсий ҳуқуқларни поймол қилади, балки жамиятнинг хавфсизлигини ҳам таҳдид қилади. Хавфсиз жамиятни яратиш ва ҳуқуқбузарликларнинг олдини олишда юридик билимларни оширишнинг аҳамияти беқиёс. Шу боисдан, ёшларни ҳуқуқий маданиятга ўргатиш, уларни ҳуқуқбузарликларни олдини олишда фаоллаштириш муҳим аҳамият касб этади. Хулоса қилиб айтганда, Президентимизнинг қарори асосида амалга оширилаётган чора-тадбирлар ёшларнинг ҳуқуқий саводхонлигини ошириш ва ҳуқуқбузарликларнинг олдини олишда самарали ечим бўлиб, жамиятимизнинг хавфсизлигини таъминлашда муҳим ўрин тутади. Бизнинг ёшларимиз, уларнинг билим ва маданиятини ривожлантириш орқали, жамиятда хавфсиз ва соғлом муҳитни яратишда ўз ҳиссаларини қўшишлари мумкин.