Qoraqalpog‘iston Respublikasi Vazirlar Kengashi raisi o‘rinbosari hamda Qoraqalpog‘iston Respublikasi Ichki ishlar vazirining rahbarligida afv etilgan fuqarolar bilan uchrashuv bo‘lib o‘tdi.
Prezidentimizning "Jazo muddatini o‘tayotgan,
qilmishidan chin ko‘ngildan pushaymon bo‘lgan hamda tuzalish yo‘liga o‘tgan bir
guruh shaxslarni afv etish to‘g‘risida"gi farmoniga asosan, 488 nafar
shaxs jazo muddatlaridan ilgari afv etildi. Ular qatorida Qoraqalpog‘iston
Respublikasida yashovchi 8 nafar shaxs ham bor. Ushbu shaxslarni ijtimoiy
hayotga moslashtirish, ularning foydali mehnat bilan shug‘ullanishlari, sog‘lom
turmush tarzini yo‘lga qo‘yib jamiyatda o‘z o‘rinlarini topishlariga
ko‘maklashish uchun bir qator profilaktik ishlar tashkil etilib turibdi. Joriy yilning 15-aprel kuni
Vazirlar Kengashining majlislar zalida Qoraqalpog‘iston Respublikasi Vazirlar
Kengashi raisi o‘rinbosari R.Nurazizov, Qoraqalpog‘iston Respublikasi Ichki
ishlar vaziri polkovnik B.Torebekovlar rahbarligida afv etilgan fuqarolar bilan
uchrashuv bo‘lib o‘tdi. Uchrashuvda afv etilib kelgan fuqarolarning muammolari
tinglanib, suhbat davomida aniqlangan muammolar bo‘yicha tegishli mas’ul
muassasa rahbarlariga topshiriqlar berildi. Ularga tibbiy yordam ko‘rsatish,
bir martalik moddiy yordam pullarini olishda hamda o‘zini o‘zi band qilish
maqsadida kichik biznesni yo‘lga qo‘yish bo‘yicha ijtimoiy yordam paketlarini
ajratishda duch kelgan har qanday muammolarni joyida hal etish bo‘yicha
tegishli soha mutaxassislariga topshiriqlar berildi.
Qoraqalpog‘iston Respublikasi IIV Axborot xizmati
