Qaraqalpaqstan Respublikası Ministrler Keńesi baslıǵı orınbasarı hámde Qaraqalpaqstan Respublikası Ishki isler ministriniń basshılıǵında ápiw etilgen puqaralar menen ushırasıw bolıp ótti
Prezidentimizdiń
“Jaza múddetin ótep
atırǵan, qılmısınan shın kewilden pushayman bolǵan hámde dúzeliw jolına ótken
bir topar shaxslardı Ápiw etiw haqqında”ǵı pármanına tiykar,
488 shaxslar jaza múddetlerinen aldın
ápiw etildi.
Olar
qatarında Qaraqalpaqstan Respublikasında jasawshı 8 shaxsta bar. Usı shaxslardı
sociallıq ómirge maslastırıw, olardıń paydalı miynet penen shuǵıllanıwları,
salamat turmıs tárizin jolǵa qoyıp jámiyette óz orınların tabıwlarına kómek
beriw ushın bir qatar profilaktik jumıslar shólkemlestirilip atır. Usı jıldıń 15-aprel kúni Ministrler Keńesiniń
májlisler zalında Qaraqalpaqstan Respublikası Ministrler Keńesi baslıǵı
orınbasarı R.Nurazizov, Qaraqalpaqstan Respublikası Ishki isler ministri
polkovnik B.Torebekovlar basshılıǵında ápiw etilgen puqaralar menen ushırasıw
bolıp ótti. Ushırasıwda ápiw etilip shıǵıp kelgen puqaralardıń mashqalaları
tıńlanıp, sáwbetlesiw barısında anıqlanǵan mashqalalar boyınsha tiyisli
juwapker mekeme basshılarına tapsırmalar berildi. Olarǵa medicinalıq járdemler kórsetiw, bir
mártebelik materiallıq járdem pulların alıwda hámde ózin ózi bánt etiw
maqsetinde kishi biznesti jolǵa qoyıw boyınsha sociallıq járdem paketlerin
ajıratılıwda ushırasqan hár qanday mashqalalardı ornında sheshimin tabıw
boyınsha tiyisli taraw qániygelerine tapsırmalar berildi.
Qaraqalpaqstan Respublikası IIM Málimleme xızmeti
