25 Mart 2025 yil
786
Taxiatosh tumanida sodir etilgan og‘ir oqibatli jinoyatlarning kelib chiqish sabablari Qoraqalpog‘iston Respublikasi Ichki ishlar vaziri tomonidan muhokama qilinib, kelgusida mahallalarda amalga oshirilishi lozim bo‘lgan ishlar yuzasidan mas’ullarga topshiriqlar berildi.
Bugun
Qoraqalpog‘iston Respublikasi Ichki ishlar vaziri tomonidan Taxiatosh tumani
hokimligi majlislar zalida tuman hududida sodir etilgan og‘ir oqibatli
jinoyatning kelib chiqish sabablari va kelgusida bunday holatlarning yuz
berishining oldini olishga qaratilgan yig‘ilish bo‘lib o‘tdi. Yig‘ilishda tuman muassasa-tashkilot
rahbarlari, mahalla yettiligi hamda profilaktika inspektorlari ishtirok etdi.
Dastlab tuman hududida sodir etilgan jinoyat bo‘yicha tuman prokurori tomonidan
ma’lumot berib o‘tildi. Ushbu sodir etilgan jinoyatning kelib chiqishida
mahalla yettiligi o‘z xizmat vazifalarini to‘liq bajarmaganligi, berilgan
topshiriqlarni o‘z vaqtida bajarmay beparvolikka berilganligi sabab bo‘lganligi
tanqid qilindi. Undan so‘ng Qoraqalpog‘iston Respublikasi Ichki ishlar vaziri
so‘zga chiqib, Hurmatli Prezidentimiz tomonidan chiqarilgan qarorlarni va
ijtimoiy profilaktikani mahalla yettiligi tomonidan o‘z vaqtida amalga oshirib
borilsa yuz berishi mumkin bo‘lgan jinoyatlarning o‘z vaqtida oldi olinishini
ta’kidladi. Yig‘ilish yakunida mahallalarda oldini olinadigan jinoyatlarning
barvaqt oldini olishga qaratilgan chora-tadbirlar belgilanib, ijrosi yuzasidan
tegishli soha vakillariga topshiriqlar berildi.
Qoraqalpog‘iston
Respublikasi Ichki ishlar vazirligining Axborot xizmati
