25 Март 2025 jıl
1023
Taqıyatas rayonında júz bergen awır aqıbetli jınayatlardıń kelip shıǵıw sebepleri Qaraqalpaqstan Respublikası Ishki isler ministri tárepinen dodalanıp, aldaǵı waqıtları máhálelerde ámelge asırılıwı lazım bolǵan jumıslar boyınsha juwapkerlerge tapsırmalar berildi
Búgin
Qaraqalpaqstan Respublikası Ishki isler ministri tárepinen Taqıyatas rayonı
hákimligi májlisler zalında rayon aymaǵında júz bergen awır aqıbetli jınayattıń
kelip shıǵıw sebepleri hám keleshekte bunday jaǵdaylardıń júz beriwiniń aldın
alıwǵa qaratılǵan májlis bolıp ótti. Májliske rayon mekeme-shólkem basshıları,
máhálle jetiligi hámde profilaktika inspektorları qatnastı. Dáslep rayon
aymaǵında júz bergen jınayat boyınsha rayon pokurorı tárepinen maǵlıwmat berip
ótildi. Bul júz
bergen jınayattıń kelip shıǵıwında máhálle jetiligi óz xızmet wazıypaların
tolıq atqarmaǵanlıǵı, berilgen tapsırmalardı óz waqtında orınlamay
biyparwalıqqa berilgenligi sebep bolǵanlıǵı sıńǵa alındı. Onnan soń
Qaraqalpaqstan Respublikası Ishki isler ministri sózge shıǵıp, Húrmetli
Prezidentimiz tárepinen shıǵarlıǵan qararlardı hám sociallıq profilaktikanı
máhálle jetiligi tárepinen óz waqtında ámelge asırılıp barılsa júz beriwi múmkin
bolǵan jınayatlardıń óz waqtında aldı alınatuǵınlıǵın atap ótti. Májlis sońında
máhállelerde aldı alınatuǵın jınayatlardıń erte aldın alıwǵa qaratılǵan
is-ilajler belgilenip, orınlanıwı boyınsha tiyisli taraw wákillerine
tapsırmalar berildi.
Qaraqalpaqstan
Respublikası Ishki isler ministrliginiń Málimleme xızmeti
