O‘zbekiston Respublikasi Mustaqilligining 34 yilligi munosabati bilan Taxtako‘pir tumani hokimligida tuman IIB xodimlari va soha faxriylari ishtirokida uchrashuv tashkil etildi.
Uchrashuvni Qoraqalpog‘iston Respublikasi Ichki ishlar vazirining maslahatchisi O.Turdakov va Qoraqalpog‘iston Respublikasi Ichki ishlar vazirligining Faxriylar Kengashi raisi F.Sankibaevlar olib bordi. Uchrashuvda so‘zga chiqqanlar ichki ishlar organlarining tarixi va bugungi faoliyati, xodimlarga yaratilayotgan sharoitlar haqida fikr bildirdi. Shuningdek, ular xodimlardan "ichki ishlar organi xodimi" degan sharafli nomga munosib bo‘lish, inson manfaatlarini himoya qilish va huquqbuzarliklarning oldini olishda mas’uliyat bilan xizmat qilishini ta’kidlab, o‘z tajribalaridan kelib chiqqan maslahat va tavsiyalarini berdi. Tadbir davomida soha faxriylarining xizmatlari alohida e’tirof etilib, ularga Qoraqalpog‘iston Respublikasi Ichki ishlar vazirligi Faxriylar Kengashining Faxriy yorlig‘i topshirildi.
