Ózbekstan Respublikası Ǵárezsizliginiń 34 jıllıǵı múnásibeti menen Taxtakópir rayonı hákimliginde rayonlıq IIB xızmetkerleri hám taraw veteranlarınıń qatnasıwında "Úsh áwlad ushırasıwı" shólkemlestirildi.
Ushırasıwdı Qaraqalpaqstan Respublikası Ishki isler ministriniń keńesgóyi O.Turdakov hám Qaraqalpaqstan Respublikası Ishki isler ministrliginiń Veteranlar Keńesiniń baslıǵı F.Sankibaevlar alıp bardı. Ushırasıwda shıǵıp sóylegenler ishki isler uyımlarınıń tariyxı hám búgingi iskerligi, xızmetkerlerge jaratılıp atırǵan sharayatlar haqqında pikir bildirdi. Sonday-aq, olar xızmetkerlerden "ishki isler uyımı xızmetkeri" degen húrmetli ataqqa múnásip bolıw, insan máplerin qorǵaw hám huqıqbuzarlıqlardıń aldın alıwda juwapkershilik penen xızmet etetuǵının atap ótip, óz tájiriybelerinen kelip shıqqan másláhát hám usınısların berdi. Ilaj dawamında taraw veteranlarınıń xızmetleri ayrıqsha atap ótilip, olarǵa Qaraqalpaqstan Respublikası Ishki isler ministrligi Veteranlar Keńesiniń Húrmet jarlıǵı tapsırıldı.
