Ўзбекистон Республикаси Мустақиллигининг 34 йиллиги муносабати билан Тахтакўпир тумани ҳокимлигида туман ИИБ ходимлари ва соҳа фахрийлари иштирокида учрашув ташкил этилди.
Учрашувни Қорақалпоғистон Республикаси Ички ишлар вазирининг маслаҳатчиси О.Турдаков ва Қорақалпоғистон Республикаси Ички ишлар вазирлигининг Фахрийлар Кенгаши раиси Ф.Санкибаэвлар олиб борди. Учрашувда сўзга чиққанлар ички ишлар органларининг тарихи ва бугунги фаолияти, ходимларга яратилаётган шароитлар ҳақида фикр билдирди. Шунингдек, улар ходимлардан "ички ишлар органи ходими" деган шарафли номга муносиб бўлиш, инсон манфаатларини ҳимоя қилиш ва ҳуқуқбузарликларнинг олдини олишда масъулият билан хизмат қилишини таъкидлаб, ўз тажрибаларидан келиб чиққан маслаҳат ва тавсияларини берди. Тадбир давомида соҳа фахрийларининг хизматлари алоҳида эътироф этилиб, уларга Қорақалпоғистон Республикаси Ички ишлар вазирлиги Фахрийлар Кенгашининг Фахрий ёрлиғи топширилди.
