«Арсенал» тадбири ўтказилмоқда
Маълумки, 1 сентябрь Мустақиллик куни мамлакатимиз тарихидаги энг улуғ ва энг азиз байрамлардан саналади. Шу боисдан ҳам ушбу сана 29 йилдан буён кўтаринки руҳда белгиланиб келинади.
Гарчи жорий йилда пандемия туфайли байрамни шу тарзда нишонлаш қолдирилган бўлса ҳам, ушбу сана муносабати билан юртимизда тинчлик-осойишталикни таъминлаш юзасидан қатор чора-тадбирлар амалга ошириб келинмоқда. Жумладан, жорий йилнинг 20-30 август кунлари оралиғида Қорақалпоғистон Республикаси ИИО ходимлари томонидан республика миқёсида фуқаролар томонидан ноқонуний равишда сақланаётган ўқотар қурол ва ўқ-дориларни аниқлаш бўйича «Арсенал» тадбири ўтказилмоқда.
Ушбу кунга қадар ички ишлар ходимлари томонидан фуқаролар орасида олиб борилган тарғибот-ташвиқот ишлари натижасида 8 та фуқаро ўқотар қуролларини ИИО ларига топширишига эришилди.
Айни кунда тадбирни ўтказиш ишлари давом этмоқда.
Қорақалпоғистон Республикаси ИИВ Ахборот хизмати
