Ўзбекистон Республикаси Президентининг 2020 йил 24 январдаги ПФ-5924-сон «Ўзбекистон Республикасида жисмоний тарбия ва спортни янада такомиллаштириш ва оммалаштириш чора-тадбирлари тўғрисида»ги қарори  ва Ўзбекистон Республикаси Ички ишлар вазирлигининг 2021 йил 6 февралдаги «Ички ишлар вазирлигининг академик лицейлари ўқувчилари ўртасида «Ҳуқуқшунослик» фан олимпиядаси ва «Жалолиддин Мангуберди авлодлари» спартакиада мусобақасини ташкил этиш тўғрисида»ги 48 сон буйруғига мувофиқ, ички ишлар вазирлиги академик лицейлари ўқувчиларининг ички ишлар органларига касбий йўналтириш улар ўртасида спортни кенг тарғиб қилиш, интеллектуал ва профессионал билим даражаси, маънавий-аҳлоқий савияси юқори бўлган жисмонан соғлом ўқувчиларни тарбиялаш мақсадида,  Нукус шаҳрида ўтказилган мусобақада иштирокчилари уч кун давомида кўп кураш, енгил атлетика ва мини футбол бўйича баҳслашди.
Мусобақанинг  тақдирлаш маросимида, Қорақалпоғистон Республикаси Ички ишлар вазири А.Темирханов, Қорақалпоғистон Республикаси Жўқорғи Кенгеси қўмита раиси З.Реймова ва бошқалар ғолибларни қўлга киритганларни ғалабаси билан қутлади.
Мусобақа якунида 9 мм “Макаров” пистолетини тўлиқсиз қисмларга ажратиш ва йиғиш бўйича, Қорақалпоқ академик лицейи терма жамоаси, тўсинда тортилиш бўйича, Жиззах академик лицейи терма жамоаси, куч ишлатиш бўйича Хоразм академик лицейи терма жамоаси, граната улоқтириш бўйича Тошкент вилояти академик лицейи терма жамоаси ғолибликни қўлга киритди. Шунингдек, енгил атлетикадан Тошкент шаҳар 1-сон академик лицейи терма жамоаси биринчи, Қорақалпоқ академик лицейи терма жамоаси иккинчи, Самарқанд академик лицейи терма жамоаси учинчи ўринни эгаллади. Мини футбол бўйича биринчи ўрин Қорақалпоқ академик лицейи терма жамоаси, иккинчи ўрин Бухоро академик лицейи терма жамоаси, учинчи ўрин Тошкент шаҳар 2-сон академик лицейи терма жамоасига насиб этди.
Барча ғолиб ва совриндорларга ташкилотчилар томонидан кубок, диплом ва қимматбаҳо совғалар топширилди. Шунингдек, мусобақадаларда одил ҳакамлик қилган ходимларга вазирлик томонидан ташаккурнома ва совғалар топширилди.
Тақдирлаш тарбиридан сўнг, Ўзбекистон ва Қорақалпоғистон Республикалари давлат мадҳиялари янгради.
Тадбир иштирокчиларига, Қорақалпоғистон Республикаси санъат усталарининг концерт дастури намойиш этилди.

Қорақалпоғистон Республикаси ИИВ Ахборот хизмати