Ўзбекистон Республикаси Ички ишлар вазири ўринбосари генерал-майор А.Икрамов жорий йилнинг 6 май куни Ўзбекистон Республикаси ИИВ Қорақалпоқ академик лицейи  ҳамда Нукус “Темурбеклар мактаби”  ҳарбий академик лицейлари фаолияти билан танишди. Лицейларда, ўқувчи ёшлар учун яратилган шарт-шароитлар билан хусусан,  ўқув хоналари, ахборот-ресурс маркази, спорт зал, ётоқхоналар билан яқиндан танишиб, ўзининг фикр-мулоҳазаларини билдирди ҳамда мавжуд муаммоларни бартараф этиш бўйича амалий чора-тадбирларни белгилаб олинди. Шунингдек  лицейнинг педагог ходимлари ва ўқувчилари билан учрашув ташкил этилди. Учрашувда, амалга оширилган ишлар атрофлича муҳокама этилиб, йўл қўйилган камчиликларга тўхталди. Шунингдек, келгусида мазкур ўқув муассасаларида ўқув, маънавий-маърифий ва хўжалик ишларини янада такомиллаштириш бўйича ўзининг таклиф ва тавсияларини берди. 
Бундан ташқари,  Қорақалпоғистон Республикаси Ички ишлар вазирлиги соҳавий хизматлари ходимлари ўртасида  спортнинг  мини футбол тўри бўйича ўтказилган мусобақа ғолибларини тақдирлаш маросимида, Ўзбекистон Республикаси Ички ишлар вазирининг ўринбосари генерал-майор  А. Икрамов иштирок этиб ғолибларга диплом, медаль ва совғалар  топширди.
Вазир ўринбосари,  Қорақалпоғистон Республикаси Бўзатов ва Кегайли туманлари ички ишлар бўлимларида бўлиб, Ички ишлар органларида маънавий-маърифий ишларни ташкил этиш бўйича концепциясида белгиланган вазифаларнинг бажарилиши жумладан,  туман ИИБ маърифат хоналари,  “Ватанпарварлик” туман ва ИИБ тарихи бурчакларини кўздан кечирди. Ходимлар ўртасида спорт мусобақалари ҳамда маънавий маърифий тадбирлари ташкиллаштириш орқали уларда ватанга ва касбига бўлган  садоқатни ошириш бўйича аниқ вазифалар белгилаб берди.
Шунингдек вазир ўринбосари, Кегайли тумани ички ишлар бўлимида жиноят қидирув соҳасида хизмат қилиб, хавфли жиноятчилар билан олишув пайтида оғир тан жароҳати олганлиги оқибатида хизмат вақтида вафот этган марҳум С.Исмайловнинг хонадонида бориб оила аъзоларидан хабар олди ҳамда бундай март ходимларнинг хотираси ҳамиша ходимларимизнинг ёдида бўлишини айтиб, Қорақалпоғистон Республикаси ИИВ ҳамда туман ИИБ раҳбариятига  хизматни ўташ вақтида ҳалок бўлган ходимларнинг оила аъзоларидан  доимий равишда хабар олиб туриш моддий ва маънавий жиҳатдан ёрдамлар бериш юзасидан топшириқлар берди.

Қорақалпоғистон Республикаси ИИВ Ахборот хизмати.