Вазирликнинг фахрийлар кенгаши раиси ўринбосари «Темурбеклар» мактаби фаолияти билан танишди ва фахрийлардан хабар олди.
Ўзбекистон Республикаси ИИВ фахрийлар кенгаши раиси ўринбосари истеъфодаги полковник Ғуломжон Юлдашев кенгаш аъзоси Шухрат Камолов Қорақалпоғистон Республикаси Ички ишлар вазири ўринбосари полковник И.Ахмедов ва Ўзбекистон Республикаси Кадрлар бош бошқармаси ходимлари майор У.Қулмуродов ва А.Балтаевлар Нукус шаҳрида жойлашган Ўзбекистон Республикаси ИИВ «Темурбеклар» ҳарбий академик лицейи фаолияти ўқув муассасасида ўқувчи ёшлар учун яратилган шароитлар билан танишишди. Шу билан бирга, «Уч авлод учрашуви» бўлиб ўтди.Унда сўзга чиққанлар томонидан, бугунги қилинган меҳнат эртанги куни хизмат фаолиятларида катта аҳамият касб этиши ҳақида айтиб ўтишди. Тадбир давомида, лицейда ўтказилган спорт мусобақалари ғолибларига фахрий ёрлиқлар топширилди. Шунингдек, Қорақалпоғистон Республикаси Ички ишлар органларида узоқ йиллар хизмат қилиб бугунги кунда истеъфодаги Қ.Аметовнинг хонадонида бўлиб кириб келаётган наврўз байрами билан табриклашди ва Ўзбекистон Республикаси ИИВнинг «Ички ишлар органларининг фахрий ходими» кўкрак ношини топширишди.
Бундан ташқари, Қорақалпоғистон Республикаси Ички ишлар органлари фахрийлари истеъфодаги генерал-майор Ж.Шылманов ва истеъфодаги подполковник Н.Таўмуратовлар хонадонларида бўлиб уларни байрам билан табриклашди ва совғалар топширилди.
Қорақалпоғистон Республикаси ИИВ Ахборот хизмати
