Ўзбекистон Республикаси Ватан ҳимоячилари куни ва Қуролли Кучларимизнинг ташкил этилганлигининг 29 йиллиги юртимиз бўйлаб кенг миқёсида нишонланмоқда. Қорақалпоғистон Республикаси Ички ишлар вазирлигида Ватан ҳимоячилари куни ва қуроли кучлар ташкил қилинганининг 29 йиллиги байрами  муносабати билан тантанали тадбир бўлиб ўтди.
Дастлаб, Ўзбекистон Республикаси Ички ишлар Вазири генерал-лейтенант П.Р.Бобожоновнинг байрам табриги шахсий таркибга ўқиб эшиттирилди.
Сўнг, Қорақалпоғистон Республикаси ички ишлар органларида хизмат қилиб келаётган бир гуруҳ ходимлар жиноятчиликка қарши кураш ва унинг олдини олишда фидокорона хизматлари учун Ўзбекистон Республикаси Ички ишлар вазирининг буйруғига асосан, «Махсус унвонлар», “Аъло хизматлари учун”, “Ички ишлар органларида бенуқсон хизматлари учун” кўкрак нишонлари, Ўзбекистон ва Қорақалпоғистон Республикалари Ички ишлар вазирликларининг “Фахрий ёрлиқ”лари, Ички ишлар вазирлигининг эсдалик қўл соати, пул мукофотлари ўз эгаларига топширилди. Шунинггдек, Ўзбекистон Республикаси Қуролли кучларининг «Маънавий-маърифий ишлар аълочиси » кўкрак нишонлари билан, Маънавият ва маърифат маркази Қорақалпоғистон бўлими бош мутахассиси Жумамуратов Полатбой Даулетбаевич ва Хўжайли тумани 41-сонли давлат ихтисослаштирилган умумтаълим мактаби етакчиси Торенов Рустам Абатниязовичлар тақдирланди. 
Тадбирда, Қорақалпоғистон Республикаси Ички ишлар вазири полковник А.Темирханов сўзга чиқиб, ходимларни байрам билан табриклаб, рағбатлантирилган ходимларнинг келгуси хизмат фаолиятларида янада масъулият билан ёндашиб бундан ҳам юқори мукофотларга сазовор бўлишларини тилади.

Қорақалпоғистон Республикаси ИИВ Ахборот хизмати.