Бўзатов туманида мактабгача ва мактаб таълим муассасалари ходимларига Президентимизнинг ПҚ-1-сонли Қарорининг мазмун-моҳияти ҳамда хотин-қизларнинг ҳуқуқлари ҳамда аёлларга меҳнат қонунчилигида белгилаб қўйилган имтиёзлар, шунингдек, қонунчиликдаги ўзгаришлар бўйича тушунчалар бериб ўтилди.
Бўзатов ППЖ ҳудудида жойлашган 1-сонли умумий ўрта таълим мактаби биносида туман ҳокими ўринбосари ва адлия бўлими бошлиғи ҳамда Қорақалпоғистон Республикаси ИИВ ЖХХ ҲП Бошқармаси катта инспектори, Бўзатов тумани ИИБ ЖХХ ҲПБ ҲҚМБ катта инспекторлари билан ҳамкорликда мактабгача ва мактаб таълим муассасалари хотин-қизлари ўртасида "Хотин-қизларга ҳуқуқий ёрдам" акцияси ўтказилди. Учрашувда Ўзбекистон Республикаси Президентининг "2025 йилда республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш бўйича чора-тадбирлар тўғрисида"ги ПҚ-1-сонли Қарори тушунтирилди, хотин-қизлар ҳуқуқлари ва хотин-қизларга меҳнат қонунчилигида белгилаб қўйилган имтиёзлар, шунингдек, қонунчиликдаги ўзгаришлар бўйича тушунтиришлар берилди, буклетлар тарқатилиб, улар ўртасида учраётган муаммолар тингланиб, бу бўйича ҳуқуқий маслаҳатлар берилди.
