Жорий йилнинг 10 апрель куни Ўзбекистон Республикаси Ички ишлар вазирлиги Халқаро аэропортларда хавфсизликни таъминлаш бўйича қўшинлари Нукус халқаро аэропортида хавфсизликни таъминлаш бўйича алоҳида батальонида 2021 йил чақирувидаги муддатли ҳарбий хизматчилар ватанга қасамёд қабул қилдилар.
Тадбирга, Қорақалпоғистон Республикаси ИИВ фахрийлари генерал-майорлар Ж.Шылманов ва М.Бабаниязов, Қорақалпоғистон Республикаси ички ишлар вазирнинг ўринбосари полковник И.Ахмедов вазирнинг маслаҳатчиси истеъфодаги полковник О.Турдақовлар иштирок этишди.
Муддатли ҳарбий хизматчиларни ватанга қасамёд қабул қилганликлари муносабати билан Ўзбекистон Республикаси Ички ишлар вазирининг ўринбосари генерал-майор Б.Ю.Мирзарахимовнинг йўллаган байрам табригини батальон командири полполковник Кучаров Камолиддин Шодиёрович тантана иштирокчиларига ўқиб эшиттирди.
Қорақалпоғистон Республикаси Ички ишлар вазирлиги Тезкор вазифаларни бажарувчи сафарбарлик отряди ҳамда Нукус халқаро аэропортида хавфсизликни таъминлаш бўйича алоҳида батальони махсус вазифаларни бажарувчи сафарбарлик взводи ҳарбий хизматчилари томонидан ватанпарварлик рукнида тайёрланган кўргазмали чиқишлар тантана иштирокчиларида катта таъсурот қолдирди.
Қорақалпоғистон Республикаси Маданият вазирлигининг эстрада хонандалари ҳамда Ички ишлар вазирлигининг “Орол юлдузлари” ансамбль жамоаларининг ватанни матх этувчи қуй-қўшиқлари билан тадбирни кўтаринки рухда ўтишида ўз хиссаларини қўшдилар.

Қорақалпоғистон Республикаси ИИВ Ахборот хизмати