Ўзбекистон Республикаси ИИВнинг 2021 йил 20 январдаги кўрсатмасига мувофиқ, Вазирлик Малака ошириш институтинингпрофессор-ўқитувчилари томонидан Институтнинг ҳудудий филиалида жорий йилнинг 25-29 январь кунлари Қорақалпоғистон Республикаси ички ишлар органлари тизимида хотин-қизлар масалалари бўйича (катта) инспекторларига ўқув курслари ташкил этилди.
Ўқув курсида ҳозирги кундаги долзарб мавзулар доирасида машғулотлар ўтказилиши билан бирга, давлат ҳокимияти ва ҳуқуқ-тартибот органлари,нодавлат нотижорат ташкилотлари тизимидаги етук мутахассис ходимларнинг ҳам иштироки таъминланиб, улар билан давра суҳбатлари ташкиллаштирилди.Хусусан,ўқув курсига Қорақалпоғистон Республикаси прокуратураси катта прокурори Ш.Алламбергенов, Қорақалпоғистон Республикаси Маҳалла ва оилани қўллаб-қувватлаш вазирлиги бўлим бошлиғи А.А.Пиримбетов, Республика «Истиқбол авлод»ижтимоий-ахборот марказининг Қорақалпоғистон Республикаси бўлими юристи Б.Даулетбаевва Республика реабилитация маркази психологи Р.Амановалар иштирок таъминланиб, соҳа ходимлари билан фаолият йўналишлари доирасида давра суҳбатлари ўтказилди.Давра суҳбати жараёнида тингловчилар ўзларининг қизиқтирган саволлари билан фикр алмашилиб, етарлича кўникмалар ҳосил қилишди.
Ўқув курсида машғулотлар ва давра суҳбатлари сифатли ва натижали ўтказилишини таъминлаш мақсадида Вазирлик Малака ошириш институти раҳбарияти (масофадан) томонидан педагогик назорат ишлари олиб борилди.
Ўқув курси сўнгида тасдиқланган ўқув дастурини муваффақиятли ўзлаштирган тингловчиларга белгиланган намунадаги сертификатлар тантанали равишда топширилди.
Шу билан бирга, Институтнинг профессор-ўқитувчилари томонидан Вазирликнинг Қорақалпоқ академик лицейи ўқувчиларига буюк мутафаккир А.Навоийнинг 580 йиллигига бағишланган учрашувни ташкил этди. Шунингдек, ўқувчиларга Президентимизнинг 2020 йил 29 декабрь кунидаги Олий Мажлисга қилган Мурожаатининг мазмун-моҳияти тушунтирилди, дейди, Институтнинг ҳудудий филиал раҳбари юридик фанлари бўйича фалсафа доктори подполковник Сапарбай Алламбергенов.