Қорақалпоғистон Республикаси Ички ишлар вазирлиги терма жамоаси биринчи ўринни эгаллади.
Жорий йилнинг 16-18 август кунлари оралиғида тасдиқланган режага асос Динамо жисмоний тарбия ва спорт жамиятининг биринчилиги учун, Қорақалпоғистон Республикаси ҳуқуқни муҳофаза қилувчи органлари ходимлари ўртасида спортнинг мини футбол тури бўйича мусобақа бўлиб ўтди. Мусобақада жами 21 жамоа иштирок этиб, қизғин ва баҳсларга бой тарзда ўтди.
Мусобақа якунларига кўра, фахрий биринчи ўринни, Қорақалпоғистон Республикаси Ички ишлар вазирлигининг терма жамоаси, иккинчи ўринни Ўзбекистон Миллий гвардияси Қорақалпоғистон Республикаси бўйича бошқармаси эгаллаган бўлса учинчи ўрин Ички ишлар вазирлигининг 7261-сонли ҳарбий қисм жамоасига насиб этди.
Ғолибларни тақдирлаш тадбирига, Қорақалпоғистон Республикаси Ички ишлар вазирининг ўринбосари полковник И.Ахмедов иштирок этиб, иштирокчиларни табриклади ва келгуси хизмат фаолиятларида зафарлар тилади.
Мусобақа ғолиблари ташкилотчилар томонидан тайёрланган диплом, медаль ва қимматбаҳо совғалар билан тақдирланди.
Қорақалпоғистон Республикаси ИИВ Ахборот хизмати.
