ҚАРАҚАЛПАҚСТАН РЕСПУБЛИКАСЫ ИШКИ ИСЛЕР МИНИСТРИ ПОЛКОВНИК А.Т.ОРЫНБАЕВТЫҢ НАЎРЫЗ УЛЫЎМАХАЛЫҚЛЫҚ БАЙРАМЫ МҮНӘСИБЕТИ МЕНЕН БАЙРАМ ҚУТЛЫҚЛАЎЫ
Усындай әжайып күнлерде тәбият оянып, гөззал диярымызға бәршемиз асығып, сағынып күткен Наўрыз байрамы кирип келмекте. Мың жыллар даўамында руўхый турмысымыздың көрки ҳәм зийнети болып киятырған бул әжайып, қәсийетли байрам бүгин кеўиллеримизге және шексиз қуўаныш ҳәм заўық бағышламақта.
Халқымыз ҳәр жылғыдай быйылда Наўрыз байрамын барлық қала ҳәм районларда, аўылларда Наўрыз сейиллерин өткерип байрамламақта.
Неше жүз жыллық дәстүр ҳәм қәдириятларымызды жаңадан ашамыз, қандай уллы тарийх, қандай уллы мәденият мийрасхорлары екенимизди және бир мәрте түсинемиз. Буннан кеўиллеримиз мақтанышқа толады.
Үлкенлерге ҳүрмет, кишилерге иззет, жәрдемге мүтәж инсанлар менен шаңарақларға шын мәнисинде жәрдем бериў, мийрим-шәпәәт көрсетиў, турмысымыз қағыйдасына айланып бармақта.
Әзиз ҳәм ҳүрметли ўатанласлар!
Ҳәммемизге сүйикли ҳәм ардақлы Наўрыз байрамы менен бәршеңизди шын жүректен қутлықлайман!
Наўрыз ҳәр бир шаңараққа, пүткил ел-журтымызға тынышлық-қәтержамлық, бахыт-ығбал, қут-берекет алып келсин! Ўатанымыз және де абат, халқымыз бәрқулла аман болсын!
Наўрыз бәршемизге мүбәрек болсын!
А.Т.Орынбаев
Қарақалпақстан Республикасы Ишки ислер министри полковник
