Orınlarda tiyisli basshılar tárepinen xalıqtıń turmısında ushırasıp atırǵan másele hám mashqalaların úyreniw hám olarǵa unamlı sheshim tabıw maqsetinde ótkerilip atırǵan kóshpeli qabıllawları óziniń unamlı nátiyjesin bermekte. Qaraqalpaqstan Respublikası Ishki isler ministri polkovnik Baxtiyar Tórebekov Qaraózek rayonı turǵınlarınıń múrájatın úyreniw hám olarǵa unamlı sheshim tabıw maqsetinde náwbettegi kóshpeli qabılawın ótkerdi. Qabıllaw dawamında puqaralar ózleriniń sociallıq mashqala hám máseleleri menen múrájat etti. Tiykarınan bántlik, densawlıq, kem támiynlengen xojalıqlarǵa ámeliy járdem, jeńilletilgen kredit, ishki jollardı ońlaw sıyaqlı bir qatar múrájatlar ministr tárepinen kórip shıǵıldı. Bildirilgen múrájatlar sol jerdiń ózinde úyrenilip, kópshiligi unamlı sheshim taptı, ayrım múrájat iyelerine huqıqıy túsinikler berildi. Sonday-aq úyreniw jumıslarına waqıt talap etiletuǵın múrájatlerdiń sheshimi ushın múddet belgilenip, orınlanıwı qadaǵalawga alındı. Álbette ótkerilip atırǵan bunday ilajlar xalqımızdıń turmısındaǵı mashqalaların unamlı sheshiw arqalı olardıń búgingi kúnnen razı bolıp jasawın támiynlew hám keleshekke bolǵan isenimin ele de bekkemlewge xızmet etedi. Qabıllawdan soń, Ishki isler ministri rayondaǵı 3-sanlı mektepke shekemgi bilimlendiriw shólkeminde bolıp, bul jerde tárbiyalanıwshılar ushın jaratılǵan sharayatlar menen jaqınnan tanıstı. Bul baqsha imaratı ońlaw jumıslarına mútáj ekenligi anıqlanıp, ministr bul boyınsha tiyisli jumıslar alıp barılatuǵınlıǵın bildirdi.

 Qaraqalpaqstan Respublikası IIM Málimleme xızmeti