Kegeyli rayonı hákimliginiń májilisler zalında Ózbekstan Respublikası IIM akademiya IIO jumısların muwapıqlastırıw orayı jetekshi ilimiy xızmetkeri, podpolkovnik I. Axmedov qatnasıwında Ózbekstan Respublikası IIM, Ózbekstan Respublikası kámbaǵallıqtı qısqartıw hám bántlik ministrligi,  Ózbekstan Respublikası Jaslar siyasatı hám sport ministrliginiń 2023-jıl 30 mart kungi “Abat hám qáwipsiz máhálle” principi tiykarında respublika máhellelerinde qawipsiz ortalıqtı jaratıw mexanizmlerin belgilew haqqında”ǵı qospa qararınıń mazmun-mánisin rayondaǵı puqaralar jıyını baslıqları,  ishki isler organı profilaktika inspektorları,  máhellelerdegi hákim járdemshileri, hayal-qızlar belsendileri hám de jaslar jetekshilerine keń túrde túsindiriw beriw maqsetinde májilis  ótkerildi. Májilisti rayon hákimniń birinshi orınbasarı M.Niyazov alıp bardı. Onda shıǵıp sóylegenler tárepinen  jınayatshılıqtıń aldın alıw, oǵan qarsı gúresiw baǵdarında ámelge asırılıp atırǵan reformalardıń búgingi jaǵdayı,  huqıqbuzarlıqlar profilaktikası hám jınayatshılıqqa qarsı gúresiwde  máhelle juwapkerleriniń atqaratuǵın jumıslarınıń roli hám áhmiyeti haqqında sóz etti. Qaraqalpaqstan Respublikasında jańadan engizilgen  huqıqbuzarlıqlar profilaktikası hám jınayatshılıqqa qarsı gúresiw,  ishki isler organları,  puqaralardıń ózin ózi basqarıw shólkemleri hám puqaralıq jámiyetiniń basqa institutları menen óz-ara sheriklik haqqında tastıyıqlanǵan ”Máhellelerde qáwipsiz ortalıqtı jaratıw mexanizmlerin belgilew haqqında”ǵı qospa qarardıń mazmun-mánisi haqqında keń túsinik berildi.