Oqıw-seminar dawamında, Qaraqalpaqstan Respublikası Ádillik ministri E.E.Tursunov hám Ózbekstan Respublikası Ádillik ministrligi basqarmasınıń baslıǵı M.X.Xatamovlar tárepinen Ózbekstan Respublikasınıń 2023-jıl 16-iyundaǵı "Mámleket esabınan yuridikalıq járdem kórsetiw haqqında"ǵı Nızamı hám Ministrler Kabinetiniń 2024-jıl 21-noyabrdegi 774-sanlı Qararı menen tastıyıqlanǵan "Mámleket esabınan yuridikalıq járdem kórsetetuǵın advokatlardı tartıw hám olarǵa haqı tólew tártibi haqqında"ǵı Rejeniń mazmun-mánisi tolıq sáwlelendirip berildi hám ámeliyatta júzege kelip atırǵan mashqalalı jaǵdaylar hár tárepleme dodalandı. Sonday-aq, "X.Sulaymanova" atındaǵı Respublikalıq sud ekspertizası orayı Qaraqalpaqstan Respublikası bólimi baslıǵı hám juwapker xızmetkerler tárepinen jańadan engizilgen sud lingvistikalıq hám filologiyalıq ekspertizası jáne sud órt-texnikalıq ekspertizasın tayınlaw tiykarları haqqında túsinikler berildi. Oqıw seminarınıń juwmaǵına bola, tergewshi hám sorastırıwshılar ózlerin qızıqtırǵan sorawlarına juwap alıp, óz pikir-usınısların bildirdi.