“Biz jaslar huqıqbuzarlıq hám jınayatshılıqqa qarsımız!” uranı astında oqıw-seminar ótkerildi
Jaslar awqamı Qaraqalpaqstan Respublikası Keńesi baslaması menen Qaraqalpaqstan Respublikası IIM Huqıqbuzarlıq profilaktikası basqarması, joqarı oqıw orınları Baslanǵısh shólkemleri jetekshileri hám koordinatorları qatnasıwında 2023-2024 oqıw jılı baslanıwı aldınan “Biz jaslar huqıqbuzarlıq hám jınayatshılıqqa qarsımız!” uranı astında oqıw-seminar ótkerildi.
Seminar dawamında jaslar, ásirese studentler arasında ushırasıp atırǵan hár qıylı huqıqbuzarlıqlardıń aldın alıw, úgit-násiyatlaw jumısların alıp barıw boyınsha keń dodalaw jumısları alıp barılıp, bul boyınsha jaslar menen individual islesiw hám huqıqbuzarlıqlardıń aldın alıw boyınsha is-reje islep shıǵılıp, wazıypalar belgilenip alındı.
Sonday-aq, student-jaslardıń bos waqıtların mazmunlı ótkeriw maqsetinde “Bes baslama olimpiadası”nda qatnasıw boyınsha túsinik jumısları alıp barıldı.
