“Germaniya mámleketine jiberip beremen” dep puqaralardı aldap júrgen shaxsqa jınayat isi qozǵatıldı
2019-jıl iyun ayında, Ellikqala rayonında jasawshı, 1989 jıl tuwılǵan Sh. Sh atlı puqara Xorezm wálayatı Urgenish rayonında jasawshı, 1964 jıl tuwılǵan M. U atlı puqaraǵa “International job Organization-xususiy bandlik agentligi” JShJ Qaraqalpaqstan filialı arqalı Germaniya mámleketine jiberip beremen” dep 5.800 AKSh dolların alǵan. Bunnan basqa Sh.Sh atlı puqara 2019-jıl iyun ayında, Xorezm wálayatında jasawshı, 1975 jıl tuwılǵan S. X ǵa “International job Organization-xususiy bandlik agentligi” JShJ Qaraqalpaqstan filialı arqalı Germaniya mámleketine jiberip beremen” dep 3.500 AKSh dolların hám 2019-jıl sentyabr ayında, Beruniy rayonında jasawshı, 1989 jıl tuwılǵan D. B ǵa “International job Organization-xususiy bandlik agentligi” JShJ Qaraqalpaqstan filialı arqalı Germaniya mámleketine jiberip beremen” dep 1.000 AKSh dollarların aldap alǵanlıǵı anıqlanǵan. Júz bergen jaǵday boyınsha Tórtkúl rayonı IIB Tergew bólimi tárepinen Ózbekstan Respublikası Jınayat Kodeksiniń 168-statyası 3-bólimi “b” bánti menen jınayat isi qozǵatılǵan.
Qaraqalpaqstan Respublikası Ishki isler ministrliginiń Málimleme xızmeti
