Ishki isler xızmetkerleri "Máhálle abatlıǵı-jurt párawanlıǵı" sheńberinde ulıwma xalıqlıq shembilikke belsene qatnaspaqta.
Qaraqalpaqstan Respublikası Ishki isler ministrligi hám onıń orınlardaǵı taraw xızmetkerleri tárepinen respublikamızda "Máhálle abatlıǵı-jurt párawanlıǵı" sheńberinde ulıwma xalıqlıq shembilikke belsene qatnaspaqta.
Búgin ótkerilip atırǵan shembilikte qorshaǵan ortalıqtı abadanlastırıw, miywe nálleri, gúl hámde terek nállerin otırǵızıw jumısları ámelge asırılmaqta.
Sonday-aq, ekinshi jer júzlik urıs waqtında front artında xızmet etken ishki isler organlarında uzaq jıllar xızmet etken, házirgi waqıtta otstavkadaǵı Nawrızbay Tawmuratovtıń shańaraǵına barıp úy aldı qıytaq jerlerine miywe nálleri gúl hám palız eginlerin egip qayırlı iske qol urdı.
Xızmetkerlerdiń bunday qayırlı islerine kewli tolǵan Nawrızbay ata óz minnetdarshılıǵın bildirdi.
Qaraqalpaqstan Respublikası IIM Málimleme xızmeti.
