«Jas óspirimlerdiń bilim alıwına tosqınlıq etpeyik»
Nókis qalası Aq jaǵıs MPJ aymaǵında jasawshı 1988-jılı tuwılǵan K.A. isimli puqara 2014-jıldan berli shańaraq aǵzaları menen Qazaqstan Respublikasında jumıs islep júrip, perzentleriniń tárbiyasına nemquraydı qarap, 2013-jılı tuwılǵan K.J. hám 2015-jılı tuwılǵan K.Q. isimli jas óspirim perzentlerin orta bilim beriw mekteplerine jaylastırmastan olardıń bilim alıwına toqınlıq etip kelgen. Ózbekstan Respublikası Konstituciyasınıń 50-statyasında hár kim bilim alıw huqıqına iye, mámleket biypul ulıwma orta bilim hám baslanǵısh professional bilim alıwǵa kepillik beredi hámde ulıwma orta bilim alıw májbúriy ekenligi belgilep qoyılǵan.
Konstituciyamızda belgilep qoyılǵan huqıq hám májbúriyatlardan kelip shıǵıp, jas óspirim 2013-jılı tuwılǵan K.J. hám 2015-jılı tuwılǵan K.Q. lardıń ulıwma orta bilim alıwın támiyinlew maqsetinde Nókis qalası mektep hám mektepke shekemgi bilimlendiriw bólimine qaraslı 2-sanlı ulıwma orta bilim beriw mektebine oqıwǵa jaylastırıldı.
Nókis qalası boyınsha IIO JMB JQX HPB JÓMB aǵa inspektor-psixologi mayor K.Ataniyazova hám leytenant G. Berdakova
