Nókis qalasında avtotransport quralın alıp kashqan shaxsqa jınayat isi qozǵatıldı.
Usı jıldıń 01 may kúni saat 01:40 lar shamasında Nókis qalası Qaraqalpaqstan kóshesinde jasawshı 1984-jıl tuwılǵan X.R atlı puqaraǵa tiyisli avtotransport quralın garajdıń ishinde turǵan «Trailblazer» markalı avtomashinasın Nókis qalasında jasawshı 1992 jıl tuwılǵan M. A atlı shaxs garajdıń aynasınan kirip, garajdıń ishinde esikleri kulıplanbaǵan ishinde gilti menen turgan «Trailblazer» markalı avtomashinasın aydap ketip, Nókis rayonı Bes saǵa elatı Terbenbes kóshesi menen basqarıp kiyatırıp, avtomashinanıń basqarıwın joǵaltıp, joldıń shetindegi terekke urılıp awdarılǵan. Bul jaǵday boyınsha Nókis qalası IIO JMB TB tárepinen Ózbekstan Respublikası Jınayat Kodeksiniń 267-statyası 2-bólimi «g» bánti menen jınayat isi qozǵatılǵan. Házirgi waqıtta tergew sorastırıw jumısları alıp barılmaqta.
Húrmetli puqaralar avtomashinańızdıń esiklerin ashıq, giltlerin ishinde qaldırmay qarawsız qaldırmawıńızdı sorap qalamız.
Qaraqalpaqstan Respublikası IIM Málimleme xızmeti
