Nókis qalasında “Gashish” náshebentlik zatın alıp júrgen puqara anıqlandı.
Usı jıldıń 23-aprel kúni saat 17:00de Qaraqalpaqstan Respublikası Ishki isler ministrligi Jınayat qıdırıw basqarması hámde 27-san mánzil koloniyası xızmetkerleri tárepinen ótkerilgen operativ ilaj dawamında Nókis qalasında jaylasqan qubla avtovokzalı janında turǵan “Damas” markalı avtomashina jolawshısı B.S atlı puqaranıń sumkasınan 0,31 gramm “Gashish” náshebentlik zatı bar ekenligi anıqlanǵan. Sumka ishinde bolǵan “Gashish” náshebentlik zatı puqara B.S nıń balası Xorezm wálayatı Xiywa qalasında jasawshı 1998 jıl tuwılǵan X. Sh atlı shaxs ózi paydalanıwı ushın sol sumkaǵa salıp qoyǵanı anıqlanǵan. Bul jaǵday boyınsha Nókis qalası boyınsha Ishki isler organları jumısların muwapıqlastırıw basqarmasınıń Tergew bólimi tárepinen Ózbekstan Respublikası Jınayat Kodeksiniń 276-statyası 1-bólimi menen jınayat isi qozǵatılıp dáslepki tergew sorastırıw jumısları alıp barılmaqta.
Qaraqalpaqstan Respublikası Ishki isler ministrliginiń Málimleme xızmeti
