26 Феврал 2025 jıl
1149
Nókis rayonı "Aqmanǵıt" APJ keńsesinde diyqan bazarı hám basqa da sawda orınlarınıń wákilleri, isbilermenler menen "Jawızlıqqa qarsı aǵartıwshılıq" atamasında úgit-násiyat ilajı ótkerildi.
Ilajda shıǵıp sóylegenler jámiette sociallıq-ruwxıy ortalıqtı salamatlandırıw, "Hújdan erkinligi hám diniy shólkemler haqqında"ǵı Nızamnıń mazmun-mánisi, milliy qádiriyatlarımızdı qásterlep saqlaw, hár qıylı jat ideyalarǵa, radikalizm, diniy ekstremizm sıyaqlı qáwip-qáterlerge qarsı gúresiw búgingi kúnniń talabı ekenin atap ótti. Sonday-aq, sociallıq tarmaqlar arqalı tarqalıp atırǵan nadurıs isenimlerden sergek bolıw boyınsha keń túsinikler berildi. Ilajda Din isleri boyınsha komitettiń rayonlıq bas qánigesi D.Taukelov, Ruwxıylıq hám aǵartıwshılıq orayı rayonlıq bóliminiń baslıǵı N.Toımbetov, Hayal-qızlar úgit-násiyatlaw toparınıń baslıǵı S.Uzakova, rayonlıq IIB xızmetkerleri F.Begdullaev, R.Sarmanovalar qatnastı.
