Náwbettegi kóshpeli qabıllaw Nókis qalasında ótkerildi
Búgingi kúnde taraw basshılarınıń halıq arasına kirip olardıń mashqalaların tıńlaw, sheshilmey atırǵan máselelerdi sheshiw maqsetinde orınlarda kóshpeli qabıllawlar ótkizilip kelinbekte. Náwbettegi kóshpeli qabıllaw Qaraqalpaqstan Respublikası Joqarǵı Keńesi baslıǵı Amanbay Orınbaevtıń basshılıǵında Nókis qalasında ótkizildi. Ótkerilgen kóshpeli qabıllawǵa Paytaxtımız Nókis qalasınıń turǵınları ózleriniń turmıslıq másele hám mashqalaları menen qatnastı.
Kóshpeli qabıllawda Qaraqalpaqstan Respublikası Ishki isler ministri polkovnik Baxtiyar Torebekov puqaralardıń ishki isler organlarına baylanıslı múrájatların qabılladı. Onda tiykarınan buzılǵan huqıqların tiklew, tergewge baylanıslı, sonday-aq, ishki isler organlarına jumısqa ornalasıw sıyaqlı máseleler orın aldı. Múrájatlardıń kópshiligi sol jerdiń ózinde unamlı sheshilip, úyreniw jumısların talap etetuǵın máseleler bolsa qadaǵalawǵa alınıp, orınlanıwı boyınsha tiyisi taraw basshılarına tapsırmalar berdi.
Qaraqalpaqstan Respublikası IIM Málimleme xızmeti.
