Qaraqalpaqstan Respublikası Ishki isler ministri, 3-sektor basshısı polkovnik Baxtiyar Torebekovtiń puqaralardıń múrájatları hám xalıqtı qıynap kiyatırǵan mashqalaları boyınsha dáslepki kóshpeli qabıllawı Kegeyli rayonı «Jalpaq jap» awıl puqaralar jıyınında ótkerildi.
2023-jıldıń 5-may sánesinen Qaraqalpaqstan Respublikası Ishki isler ministri, 3-sektor basshısı polkovnik Baxtiyar Torebekovtiń puqaralardıń múrájatlarına hám xalıqtı qıynap kiyatırǵan mashqalalarǵa sheshim tabıw boyınsha orınlarda kóshpeli qabıllawı baslanadı. Qabıllawdıń dáslepkisi Kegeyli rayonı «Jalpaq jap» awıl puqaralar jıyınında ótkerildi. Onda aymaq turǵınları ózleriniń turmısında ushırasıp atırǵan sociallıq mashqalaları hám Ishki isler organlarına baylanıslı máseleleri menen qatnastı. Qabıllaw dawamında tiykarınan bántlik, densawlıq, jol qurılısı, ishimlik suw, kem támiynlengen shańaraqlardıń turaq jayların ońlap beriwge ámeliy járdem beriw sıyaqlı máseleler orın aldı. Bildirilgen múrájatlerdiń kópshiligi sol jerdiń ózinde tiyisli taraw wákilleri menen birgelikte úyrenilip unamlı sheshim tapqan bolsa, ayrımları úyreniw jumıslarına waqıt talap etetuǵın bolǵannan soń olarǵa múddet belgilenip, orınlanıwı qadaǵalawǵa alındı. Sonday-aq bir qatar múrájatshige huqıqıy túsinikler de berildi. Qabıllawda puqaralar tárepinen ishki jollardı ońlaw boyınsha bildirilgen múrájati tiykarında orınlarǵa shıǵıp, atap ótilgen kóshelerdiń jaǵdayı úyrenildi. Jaqın kúnlerdiń ishinde bul kóshelerdi tegislew ushın qum aralas shebin tasları alıp kelinetuǵın boldı. Ministrdiń qabıllawında hesh bir múrájat itibardan shette qalmadı.
Qaraqalpaqstan Respublikası IIM Málimleme xızmeti
