Qaraqalpaqstan Respublikası Ishki isler ministri «Nurlı máskan» mektep internatı pitkeriwshilerin qutlıqladı
Qaraqalpaqstan Respublikası Ishki isler ministri polkovnik Baxtiyar Torebekov Ishki isler ministrligi tárepinen qáwenderlikke alınǵan Nókis qalasında jaylasqan 10-sanlı «Nurlı mákan» mektep internatı pitkeriwshileriniń sońǵı qońıraw ilajına qatnastı.
Ilajda Ózbekstan hám Qaraqalpaqstan Respublikalarınıń mámleketlik gimni atqarıldı.
Ishki isler ministri mektep internatı pitkeriwshilerin shın kеwilden qutlıqlap olarǵa Ózbekstan Respublikası Prezidentiniń mektep pitkeriwshilerine jollaǵan qutlıqlawın oqıp esittirdi.
Ilajda ustazlar hám ata-analar sózge shıǵıp pitkeriwshilerge haq jol tiledi. Mektep internatı oqıwshıları hámde pitkeriwshileri tárepinen tayarlanǵan koncert dástúri jıynalǵanlarǵa qoyıp berildi.
Qaraqalpaqstan Respublikası Ishki isler ministrliginiń Málimleme xızmeti
