Mámleketimiz óz ǵárezsizligine erisken jıldan baslap xalqımızdıń tınıshlıǵı saqlaw hám abadan turmısında nızam ústinligin támiyinlewge ayrıqsha ayrıqsha itibar qaratılıp kelinbekte.
Ásirese, sońǵı jıllarda Prezidentimizdiń basshılıǵında júz berip atırǵan siyasiy, sociallıq jáne ekonimikalıq ózgerisler barlıq tarawlar sıyaqlı ishki isler organları xızmetkerleriniń jámiyetlik tártipti saqlaw, puqaralardıń huqıq hám erkinliklerin támiyinlew, jınayatshılıqqa qarsı gúresiwge qaratılǵan jumısların hár tárepleme kúsheyttiriwdi talap etpekte. Bunda ishki isler organları xızmetkerleri aldına jınayatshılıqtıń erte aldın alıw tiykarǵı wazıypa etip belgilendi.
2006-jıldıń 6-dekabrdegi Ózbekstan Respublikasınıń «Ózbekstan Respublikası ishki isler organları xızmetkerleri kúnin belgilew haqqında»ǵı Nızamına muwapıq, hár jılı 25-oktyabr ¬ Ishki isler organları xızmetkerleri kúni sıpatında keń túrde belgilenip kelinbekte.
Prezidentimizdiń sáne múnásibeti menen ishki isler organları xızmetkerleri hám nuraniylarına jollaǵan bayram qutlıqlawında Jańa Ózbekstannıń ishki isler uyımlarınıń xızmetkerleri- Watanımızdıń haqıqıy perzentleri sıpatında zamanagóy bilimlerdi iyelegen, ruwxıy hám aǵartıӯshılıq dúnyası bay, hár qanday qáwip-qáterge mártlik penen qarsı gúresiwge tayar xalqımızdıń shın mánisindegi qorǵawshıları ekenligine qatań isenemen degen pikirleri biziń xızmetkerlerdi ayrıqsha ruxlandırdı desek asıra aytqan bolmaymız. Qaraqalpaqstan Respublikası Ishki isler ministrliginiń jeke quramı elimizde jámiyetlik tártipti, jınayatshılıqqa qarsı gúresiwde óz wazıypaların inabatlı atqarıp, kásiplik bayramdı múnásip kútip almaqta. Ministrlik jeke quramınıń bul miynetleri húkimetimiz tárepinen óz waqıtında múnásip bahlanıp kelinbekte. Bayram múnásibeti menen Ózbekstan Respublikası Prezidentiniń Ishki isler organları xızmetkerleri kúni múnásibeti menen bir topar xızmetkerleri xoshametlew haqqındaǵı pármanı menen Qaraqalpaqstan Respublikası Ishki isler ministrliginen eki xızmetker mámleketlik sıylıqlar menen sıylıqlandı.
Atap aytqanda, Nókis rayonı Ishki isler bólimi baslıǵı Kazbekov Salavat Alibekovich «Mardlik» ordeni menen, sonday-aq, Qaraqalpaqstan Respublikası Ishki isler ministrligi janındaǵı Tergew basqarmasınıń aǵa tergewshisi Uzaqbaev Baxadır Jollıbaevich «Dоstlik» ordeni menen sıylıqlandı.
Men ishki isler ministrligi organlarınıń barlıq jeke quramın hám húrmetli veteranlarımızdı, Ózbekstan Respublikası Ishki isler ministrliginiń Qaraqalpaq akademiyalıq liceyi, «Temurbekler mektebi» jámáátlerin, bárshe xalqımızdı 25-oktyabr ¬ Ózbekstan Respublikası ishki isler organları xızmetkerleri kúni bayramı menen shın júrekten qutlıqlayman. Shańaraqlarına amanlıq, bekkem den sawlıq, xızmetlerinde tabıslar tileymen.

A. TEMIRXANOV,
Qaraqalpaqstan Respublikası Ishki isler ministri, polkovnik.