20 Май 2025 jıl
1504
Qaraqalpaqstan Respublikası Ishki isler ministriniń orınbasarı - Tergew basqarması baslıǵı tárepinen fizikalıq hám yuridikalıq táreplerdiń múrájatların kórip shıǵıw, puqaralardıń tarawǵa baylanıslı mashqalalarına unamlı sheshim tabıw maqsetinde Nókis rayonı Xalıq qabıllawxanası imaratında Xojeli, Taqıyatas hám Nókis rayonları puqaraları ushın gezektegi Kóshpeli qabıllaw ótkerildi.
Kóshpeli qabıllaw dawamında tiykarǵı itibar, múrájat penen kelgen puqaralardıń mashqalaların ornında sheshiw hám olarǵa huqıqıy másláhátler beriwge qaratılıp, bul ushın juwapker xızmetkerlerdiń qatnasıwı támiyinlendi. Kóshpeli qabıllaw procesinde 15 ten aslam puqaralardıń sud-huqıq máseleleri boyınsha múrájatları qabıl etilip, olardıń 10 ı ornında unamlı sheshildi. Ayırım múrájatlar úyreniw hám waqıt talap etetuǵının esapqa alıp, juwapker uyımlarǵa tiyisli tapsırmalar berilip, orınlanıwı qadaǵalawǵa alındı hám múrájat ielerine huqıqıy túsinikler berildi. Sonday-aq, bir topar puqaralarǵa shaxsın tastıyıqlawshı ID-kartalar saltanatlı túrde tapsırıldı.
