Seminar bolıp ótti.
Ózbekstan Respublikası Ishki isler ministri orınbasarı general-mayor A.I.Ikramov tárepinen 2023-jıl 26-yanvar kuni tastıyıqlanǵan is-ilájlar dástúri talapların orınlaw maqsetinde, usı jıldıń 18-fevral kuni ministrliktiń Ruwxıy-aǵartıwshılıq isler hám kadrlar menen támiyinlew xızmeti bólimsheleri, «Juldızsha» hám «Juldız» mektepke shekemgi bilimlendiriw shólkemleri direktorları, pedagog tárbiyashı hám tárbiyashı járdemshileri qatnasında seminar ótkerildi.
Seminarda, Qaraqalpaqstan Respublikası mektepke shekemgi bilimlendiriw ministligi qániygeleri qatnasıp, taraw qaniygeleri tárepinen Ózbekstan Respublikası Ministrler Kabinetiniń 2019-jıl 13-maydaǵı 391-sanlı qararı, Mektepke shekemgi bilimlendiriw ministrliginiń 2019-jıl 30-avgust kúngi “Mámleketlik mektepke shekemgi bilimlendiriw shólkemleri pedagoglarınıń is-hujjetlerin tastıyıqlaw haqqında”ǵı 155-sanlı buyrıǵı tiykarında mektepke shekemgi bilimlendiriw shólkemlerinde júritilip atırǵan is-hujjetlerin tártipke salıw, xızmetkerlerdiń tálim-tárbiya jónelisinde juwapkershiligin asırıw temasında hámde «Ilk qadam» mámleketlik oqıw dásturi orınlanıwın támiyinlew boyınsha tusinikler berildi.
Seminar barısında qızıqtırǵan sorawlarǵa juwaplar alındı.
Qaraqalpaqstan Respublikası IIM Málimleme xızmeti
