Transport quralın alıp qashıw menen baylanıslı bolǵan jınayat keń jámiyetshilik arasında dodalandı
Usı jıldıń 17 iyun kúni saat 23:30da Qońırat rayonında jasawshı, 1993 jıl tuwılǵan puqara R.P ǵa tiyisli bolǵan «Neksiya-1» markalı avtomashinasın Nókis qalası T.Eshanov kóshesi boyında jaylasqan «Sultanbek» toyxanası aldında esigi ilinbegen ishinde gilti menen turǵan jerinen, P.R dıń tanısı Nókis qalasında jasawshı, 1993 jıl tuwılǵan B.S aydap ketip, Nókis qalası T.Eshanov kóshesi menen basqarıp kiyatırıp, ózi menen bir baǵıtta baratırǵan puqara S.K nıń basqarıwındaǵı «Kobalt» markalı avtomashinasınıń artına urılıp, avtomashinalarǵa materiallıq zıyan keltirgen. Júz bergen jaǵday boyınsha Nókis qalası IIO JMB Tergew bólimi tárepinen Ózbekstan Respublikası Jınayat Kodeksiniń 267-statyası 1-bólimi menen jınayat isi qozǵatılǵan. Júz bergen jınayattıń kelip shıǵıw sebepleri úyreniw boyınsha Nókis qalası Almazar MPJ turǵınları hám keń jámiyetshilik wákilleri qatınasında Nókis qalası boyınsha Ishki isler organları jumısların muwapıqlastırıw basqarması baslıǵı polkovnik Ziyawaddin Zaitov basshılıǵında dodalandı sonday-aq barlıq pukaralardı avtomashinalarınıń ishlerine giltleri qoyıp ketpew kerekligi túsindirildi
