Qaraqalpaqstan Respublikası Ishki isler ministri basshılıǵında Tórtkúl rayonında Ózbekstan Respublikası Prezidentiniń 2025-jıl 3-yanvar kúngi 1-sanlı Qararınıń orınlanıwın támiyinlewge baǵıshlanǵan májilis ótkerildi.
Májiliste rayon hákimi, rayon sektorı hám tiyisli mákeme, shólkem basshıları, máhálle jetiligi wákilleri qatnastı. Onda Ózbekstan Respublikası Prezidentiniń 2025-jıl 3-yanvar kúngi "2025-jılda respublika máhállelerinde qáwipsiz ortalıqtı jaratıw hám huqıqbuzarlıqlardıń erte aldın alıw sisteması"nıń nátiyjeliligin jáne de arttırıw boyınsha ilajlar haqqında"ǵı Qararı hám Ózbekstan Respublikası Ministrler Kabinetiniń 2024-jıl 30-noyabr kúngi 801-sanlı Qararınıń orınlanıwın támiyinlew hám házirgi waqıtta qanday dárejede alıp barılıp atırǵanına itibar qaratıldı. Bul baǵdarda máhálle jetiligi wákilleri tárepinen jol qoyılǵan qáte-kemshilikler sınǵa alınıp, aldaǵı waqıtlarda bul kemshiliklerdi saplastırıw boyınsha tiyisli juwapkerlerge tapsırmalar berildi.
