Ózge puqaralardıń pulların aldawshılıq jolı menen alǵan shaxsqa jınayat isi qozǵatıldı
2022-jıldıń mart ayında Tórtkúl rayonında jasawshı, 1982-jıl tuwılǵan puqara R. O Elikqala rayonı Sarabiy APJda jasawshı, napaqadaǵı, 1959-jıl tuwılǵan X.R ǵa tiyisli bolǵan “4 bas qara malın satıp beremen” dep 23.300.000 sum pulların aldap alǵan. Bunnan basqada R.O usı jıldıń 13-yanvar kúni Elikqala rayonı Saxtiyon APJda jasawshı, 1981 jıl tuwılǵan X. R ǵa tiyisli bolǵan “2 bas qara malın satıp beremen” dep 33.500.000 sum pulın hám usı jıldıń 11-fevral kúni Tórtkúl rayonı Ullıbaq APJda jasawshı, 1990-jıl tuwılǵan A.F ǵa tiyisli bolǵan “2 bas qara malın satıp beremen” dep 12.000.000 sum pulların aldap alǵanlıǵı anıqlanǵan. Júz bergen jaǵday boyınsha Tórtkúl rayonı IIB Tergew bólimi tárepinen Ózbekstan Respublikası Jınayat kodeksiniń 168-statyası 2-bólimi “b” bánti menen jınayat isi qozǵatılǵan.
Qaraqalpaqstan Respublikası Ishki isler ministrliginiń Málimleme xızmeti
