Унда институтнинг ректор ўринбосарлари, декан ва уларнинг ўринбосарлари, тюторлар, профессор-ўқитувчилар ва талаба ёшлар ҳамда Ички ишлар органларининг масъул ходимлари, ўқув юртларига бириктирилган профилактика инспекторлари иштирок этди. Тадбирни институт ректори Қувондиқ Қодиров очиб берди. Шундан сўнг Қорақалпоғистон Республикаси Ички ишлар вазири полковник Бахтиёр Торебеков сўзга чиқиб, ёшларимизнинг таълим-тарбиясида ҳеч қачон бўшлиқ яратмаслигимиз керак. Сабаби мана шу эътиборсизлик оқибатида талаба ёшлар орасида турли ҳуқуқбузарлик ва жиноятлар учраётгани бўйича тадбирда маълумотлар келтирилди. Шунингдек, бугунги кунда авж олаётган кибержиноят ҳақида кенг тушунчалар берилди. Кибержиноятчиликнинг бугунги кунда талаба ёшлар томонидан фуқароларнинг, шу жумладан талаба ёшларнинг шахсий маълумотларини бошқаларга пул эвазига сотиш ҳолатлари учраётганлиги танқид қилинди.Келажагимиз эгалари бўлган ёш авлоднинг таълим-тарбиясига жиддий эътибор қаратиб, уларни турли зарарли иллатлар таъсирига тушиб қолишига йўл қўймаслик, айниқса, гиёҳвандлик маҳсулотлари ва психотроп дорилар билан боғлиқ жиноятларнинг олдини олишга қаратилган вазифаларга алоҳида тўхталиб ўтилди. Бундай ҳолатларнинг олдини олиш бўйича таълим муассасаси жамоаси ва профилактика инспекторларига аниқ вазифалар белгилаб берилди. Дарҳақиқат, ёшларнинг турли қинғир ишларга қўл уришига қандайдир сабаб бўлади. Шунинг учун ҳам бундай талабалар билан профилактик тарғибот ишларини кучайтириш кераклиги, уларга тўғри йўналиш бериш талаб этилади. Ҳар қандай қонунбузарлик ҳолатларининг оқибатлари билан курашгандан кўра унинг барвақт олдини олган маъқул. Очиқ мулоқот тарзида ўтказилган учрашувда Вазир талаба ёшларнинг фикр-мулоҳазаларини тинглади. Билдирилган таклифлардан келиб чиқиб бажарилиши лозим бўлган вазифалар белгилаб олинди. Шундан сўнг Қорақалпоғистон Республикаси Ички ишлар вазирлиги ОҚХ Кибер жиноятчиликка қарши курашиш бўлими бошлиғи майор Давлетинияз Сейтмуратов томонидан бугунги кунда кибер фирибгарлар томонидан фуқароларнинг банк пластик карталаридан пулларини ечиб олиш ҳолатлари ва унга қарши кураш йўналишидаги тайёрланган слайдлар ва маълумотлар талаба ёшлар эътиборига ҳавола этилди.
Қорақалпоғистон Республикаси ИИВ Ахборот хизмати