Oǵan instituttıń rektor orınbasarları, dekan hám olardıń orınbasarları, tyutorlar, professor-oqıtıwshılar hám student jasları sonday-aq Ishki isler organlarınıń juwapker xızmetkerleri, oqıw orınlarına biriktirilgen profilaktika inspektorları qatnastı. Ilajdı institut rektorı Quwandıq Qadirov ashıp berdi hám alıp bardı. Bunnan soń Qaraqalpaqstan Respublikası Ishki isler ministri polkovnik Baxtiyar Torebekov sózge shıǵıp jaslarımızdıń tálim-tárbiyasında hesh qashan boslıqtı payda etpewimiz kerek. Sebebi mine usı itibarsızlıq aqıbetinde student jaslar arasında hár túrdegi huqıqbuzarlıq hám jınayatlar ushırasıp atırǵanlıǵı boyınsha ilajda maǵlıwmatlar keltirildi. Sonday-aq, házirgi kúnde háwij alıp atırǵan kiber jınayatı haqkında keń túsinikler berilidi. Kiber jınayattıń búgingi kúnde student jaslar tárepinen puqaralardıń sonıń ishinde student jaslardıń jeke maǵlıwmatların ózgelerge pul esesine satıw jaǵdayları ushrasıp atırǵanlıǵı sınǵa alındı. Keleshegimiz iyeleri bolǵan jas áwladtıń tálim tárbiyasına úlekn itibar qaratıp olardı hár túrdegi zıyanlı illetlerdiń tásirine túsip qalıwǵa jol qoymaw, ásirese náshebentlik ónimleri hám psixotrop dáriler menen baylanıslı jınayatlardıń aldın alıwǵa qaratılǵan wazıypalarǵa ayrıqsha toqtalıp ótti.  Bunday jaǵdaylardıń aldın alıw boyınsha oqıw ornı jámááti menen profilaktika inspektorlarına anıq wazıypalar belgilep berildi. Haqıyqatında da jaslardıń hár túrdegi qıńır islerge qol urıwına qandayda bir sebep boladı. Sonlıqtan da bunday studentler menen profilaktikalıq úgit-násiyat jumısların kúsheytiw kerekligi, olarǵa durıs baǵdar beriwi talap etiledi. Hár qanday nızambuzıwshılıq jaǵdaylardıń aqıbetleri menen gúreskennen onıń erte aldın alǵan maqul. Ashıq sáwbet tárizinde ótkerilgen ushırasıwda Ministr student jaslardıń pikir-usınısların tıńladı. Bildirilgen usınıslardan kelip shıǵıp isleniwi tiyis wazıypalar belgilenip alındı.  Bunnan soń Qaraqalpaqstan Respublikası Ishki isler ministrligi OQX Kiber jınayatshılıqqa qarsı gúresiw bólimi baslıǵı mayor Dawletiniyaz Seytmuratov tárepinen búgingi kúnde kiber aldawshılar tárepinen puqaralardıń bank plastik kartalarınan pulların sheship alıw jaǵdayları hám oǵan qarsı gúresiw baǵdarındaǵı tayarlanǵan slaydlardı hám maǵlıwmatlardı student jaslar názerine usınıldı