Нукус туманида йўл ҳаракати хавфсизлигига оид сайёр қабул ўтказилди
Нукус тумани йўлларда юзага келаётган тирбандликларни бартараф этиш, йўл-транспорт ҳодисаларининг олдини олиш ҳамда фуқароларнинг таклиф ва мурожаатларини ўрганиш мақсадида навбатдаги сайёр қабул ташкил этилди. Сайёр қабул давомида аҳоли томонидан мактаблар ёнида тезликни чекловчи белгиларни ўрнатиш, зарур йўл белгиларини жойлаштириш, маҳаллий йўллардаги тартибга солинмаган пиёдалар ўтиш жойларига қавариқ (баланд) пиёдалар йўлакларини қуриш каби бир қатор муҳим таклиф ва мурожаатлар билдирилди Қабулда билдирилган мурожаатларнинг аксариятига жойида ҳуқуқий ва амалий ечимлар топилди. Муддат талаб қилувчи масалалар эса масъуллар назоратига олиниб, тегишли ташкилот раҳбарларига аниқ топшириқлар берилди. Сайёр қабулларни ўтказишдан асосий мақсад — йўл ҳаракати иштирокчилари учун хавфсиз ва қулай шарт-шароитлар яратишдан иборат.
