22 Сентябр 2025 йил 336

Нукус тумани Ички ишлар бўлими бошлиғи ёшлар билан учрашди

Нукус туманидаги маданият марказида туман Ички ишлар бўлими бошлиғи подполковник Исак Салиев ёшлар билан учрашув ўтказди

 Учрашувдан мақсад — ёшлар ўртасида ҳуқуқбузарлик ва жиноятчиликнинг олдини олиш, уларни соғлом турмуш тарзига ва ватанпарварлик руҳида тарбиялашдан иборат бўлди. Тадбирда маҳалла фаоллари, мактаб ўқувчилари, коллеж ва техникум талабалари, шунингдек, кенг жамоатчилик вакиллари иштирок этди

Ички ишлар бўлими бошлиғи ўз сўзида ёшлар орасида ҳуқуқий маданиятни ошириш, интернетдаги таҳдидлар, ёшларни турли ёт ғоялар таъсиридан асраш борасида амалга оширилаётган ишлар ҳақида сўз юритди. Шунингдек, у ёшларнинг муаммолари ва таклифларини тинглаб, уларни қўллаб-қувватлашга тайёр эканини билдирди

 Тадбир савол-жавоб ва очиқ мулоқот шаклида ўтди. Ёшлар ўзларини қизиқтирган саволларга бевосита жавоб олишди ва келгусида бундай учрашувлар мунтазам ўтказилиши зарурлиги таъкидланди

 

Ахборот хизмати

Text to speech