Nókis rayonı Ishki isler bólimi baslıǵı jaslar menen ushırastı
Nókis rayonındaǵı mádeniyat orayında
rayonlıq Ishki isler bólimi baslıǵı podpolkovnik Isak Saliev jaslar menen
ushırasıw ótkerdi
Ushırasıwdan maqset - jaslar
arasında huqıqbuzarlıq hám jınayachılıqtıń aldın alıw, olardı salamat turmıs
tárizine hám watansúyiwshilik ruwxında tárbiyalawdan ibarat boldı. Ilajda
máhálle belsendileri, mektep oqıwshıları, kolledj hám texnikum studentleri,
sonday-aq, keń jámiechilik wákilleri qatnastı.
Ishki isler bólimi baslıǵı óz
sózinde jaslar arasında huqıqıy mádeniyattı arttırıw, internettegi qáwip-qáterler,
jaslardı hár qıylı jat ideyalar tásirinen saqlaw baǵdarında ámelge asırılıp
atırǵan jumıslar haqqında aytıp ótti. Sonday-aq, ol jaslardıń mashqalaları hám
usınısların tıńlap, olardı qollap-quwatlawǵa tayar ekenin bildirdi.
Ilaj soraw-juwap hám ashıqtan-ashıq
sóylesiw túrinde ótti. Jaslar ózlerin qızıqtırǵan sorawlarǵa tikkeley juwap
aldı hám keleshekte bunday ushırasıwlardı turaqlı ótkeriw zárúr ekenligi atap
ótildi.
