17 Июл 2025 jıl
158
Qaraqalpaqstan Respublikası Ishki isler ministriniń orınbasarı - Tergew basqarması baslıǵı tárepinen fizikalıq hám yuridikalıq táreplerdiń múrájatların kórip shıǵıw, puqaralardıń tarawǵa baylanıslı mashqalalarına unamlı sheshim tabıw maqsetinde Qaraqalpaqstan Respublikası Ishki isler ministrligi imaratında Nókis qalası, Xojeli hám Taqıyatas rayonı puqaraları ushın gezektegi Kóshpeli qabıllaw ótkerildi.
Kóshpeli qabıllaw dawamında tiykarǵı itibar, múrájat penen kelgen puqaralardıń mashqalaların ornında sheshiw hám olarǵa huqıqıy másláhátler beriwge qaratılıp, bul ushın juwapker xızmetkerlerdiń qatnasıwı támiyinlendi. Kóshpeli qabıllaw procesinde 20 dan aslam puqaralardıń sud-huqıq máseleleri boyınsha múrájatları qabıl etilip, olardıń 12 si ornında unamlı sheshildi. Ayırım múrájatlardı úyreniw hám waqıt talap etiliwin esapqa alıp, juwapker uyımlarǵa tiyisli tapsırmalar berilip, orınlanıwı qadaǵalawǵa alındı hám múrájat ielerine huqıqıy túsinikler berildi.
