Qaraqalpaqstan Respublikası Ishki isler ministriniń orınbasarı - Tergew basqarmasınıń baslıǵı tárepinen Taqıyatas rayonınıń kriminogen jaǵdayı awır hám "qızıl" kategoriyaǵa kirgen "Taqıyatas" máhállesi hám Xojeli rayonınıń kriminogen jaǵdayı awır hám "qızıl" kategoriyaǵa kirgen "Mádeniyat" hám "Shaǵalakól" máhálleleri úyrenildi.
Ózbekstan Respublikası Prezidentiniń 03.01.2025-jıldaǵı "2025-jılda Respublika máhállelerinde qáwipsiz ortalıqtı jaratıw hám huqıqbuzarlıqlardıń erte aldın alıw sistemasınıń nátiyjeliligin bunnan bılay da arttırıw boyınsha ilajlar haqqında"ǵı PP-1-sanlı Qararı tiykarında ámelge asırılıp atırǵan jumıslar úyrenilip, tiyisli kórsetpeler berildi. Sonday-aq, Taqıyatas hám Xojeli rayonı Ishki isler bólimleriniń jumıs iskerligi úyrenildi. Úyreniw dawamında, Ózbekstan Respublikası Prezidentiniń tarawǵa baylanıslı Párman hám Qararlarınıń orınlanıwı hám Ózbekstan Respublikası Bas prokuraturası hám Ishki isler ministrliginiń 11.03.2025-jıldaǵı Birgeliktegi kórsetpesiniń orınlanıwın tolıq támiyinlew boyınsha ámelge asırılıp atırǵan jumıslar tekserilip shıǵıldı. Bunnan tısqarı, Ózbekstan Respublikası Ishki isler ministriniń 24.04.2024-jıldaǵı "Ishki isler uyımlarında fizikalıq hám yuridikalıq táreplerdiń múrájatları menen islesiw sistemasın jetilistiriw haqqında"ǵı 200-sanlı buyrıǵına tiykarlanıp puqaralardıń múrájatları menen islesiw jaǵdayı úyrenilip, tiyisli kórsetpeler berildi.