Qaraqalpaqstan Respublikası Ishki isler ministri basshılıǵında Nókis qalasında júz bergen awır aqıbetli jınayatlar dodalandı
Sońǵı waqıtta
Nókis qalasında júz bergen awır aqıbetli jınayatlardıń kelip shıǵıw sebepleri
hám aldaǵı waqıtlarda bunday unamsız jaǵdaylardıń aldın alıwǵa baǵıshlanıp
Nókis qalası hákimliginde májilis ótkerildi. Májiliske Qaraqalpaqstan
Respublikası Ishki isler ministri hám
tiyisli mekeme shólkem basshıları, Ishki isler organları xızmetkerleri,
sonday-aq mákan puqaraları jıyınları wákilleri qatnastı. Atap ótilgenindey,
ayrım aymaqlarda máhálle jetiligi tárepinen huqıqbuzarlıq hám
jınayatshılıqlardıń aldın alıw baǵdarında jumıslardı durıs
shólkemlestirilmegenligi awır aqıbetli jınayatlardıń júz beriwine sebep
bolmaqta. Sonlıqtan da májiliste mákan puqaralar jıyınları wákilleri hám birge
islesiwshi uyımlardıń xızmetkerlerine júz bergen jaǵdaylardan durıs juwmaq
shıǵarıp aldaǵı waqıtlarda bunday jınayatlardıń aldın alıw baǵdarındaǵı
jumıslardı kúsheytiw kerek ekenligi atap ótildi. Ilaj sońında aldaǵı waqıtlarda
huqıqbuzarlıq hám jınayatshılıqlardıń, sonıń menen birge basqa da ayrıqsha jaǵdaylardıń aldın alıw boyınsha jıynalǵan
juwapker xızmetkerlerge wazıypalar belgilep berildi.